Økonomiske hovudtal
Nedanfor er det presentert nokre hovudtal frå Giske kommune sin rekneskap for 2022
| Regnskap | Reg. budsjett | Oppr.budsjet | Regnskap i fjor | Avvik frå | |
|---|---|---|---|---|---|
| 2022 | 2022 | 2022 | 2021 | opprinnelig budsjett | |
| 9 Sum driftsinntekter | 803 398 | 737 306 | 714 606 | 766 307 | 88 792 |
| 15 Sum driftsutgifter | 746 318 | 705 967 | 690 427 | 725 721 | 55 891 |
| 16 Brutto driftsresultat | 57 080 | 31 339 | 24 179 | 40 586 | 32 901 |
| - | - | - | - | - | |
| 22 Netto finansutgifter | - 65 136 | - 66 832 | - 57 832 | - 47 060 | - 7 304 |
| - | - | - | - | - | |
| 23 Motpost avskrivninger | 40 650 | 40 650 | 39 503 | 39 503 | 1 148 |
| - | - | - | - | - | |
| 24 Netto driftsresultat | 32 595 | 5 157 | 5 850 | 33 029 | 26 745 |
Kommunen sine driftsinntekter var 803,4 mill. kr mot justert budsjett på 737,3 mill.kr. Ein auke på 88,8 mill.kr i høve det opprinnelige budsjettet. Av dette kjem 36,8 mill. kr av meir inntekter frå overføringar med krav til motytelse (statlege tilskott, sjukepengerefusjon mm.) som har motposter i driftsutgiftene.
Kommunen sine driftsutgifter var 746,3 mill.kr mot justert budsjett på 705,9 mill. kr. Auken på kr 40,3 mill.kr skriv seg i stor grad frå auke i lønsutgifter med 29,7 mill.kr. Auka lønsutgifter må ein sjå i samanheng med sjukelønsrefusjon som er ein del av kommunen sine driftsinntekter. Tilskott som ikkje er brukte i året vert overført til bundne fond.
Kjøp av varer og tenester blei 223,9 mill. kr mot justert budsjett på 219,8 mill.kr. Ein auke på 6,8 mill.kr.
Overføring og tilskott til andre vart 29,4 mill.kr og var budsjettert med 21,9 mill. kr. Auken på 7,6 mill. kr kjem av auka overføring til private lag og organisasjonar gjennom spelemiddelutbetalingar og koronastøtter til næringslivet.
Kommunen sine netto finansutgifter vart kr 65,1 mill. kr og var budsjettert med 66,8 mill.kr. Det vart eit tap på finansane på 3,9 mill.kr mot budsjettert tap på 3 mill.kr. Renteutgiftene vart kr 900 000 lavere enn budsjettet.
Endeleg beregning av minsteavdrag viser at Giske kommune har budsjettert med 1,8 mill.kr i for mykje i avdrag.
Giske kommune hadde i 2022 eit netto driftsresultat på 32,5 mill. kr. Til samanlikning var netto driftsresultat i 2021 på 33 mill. kr, dvs. ein nedgang av netto driftsresultat på kr 434 000.
Nøkkeltall
| 2022 | 2021 | 2020 | 2019 | 2018 | 2017 | 2016 | |
|---|---|---|---|---|---|---|---|
| Brutto driftsresultat i prosent av brutto driftsinntekter | 7,1 | 5,3 | 1,90 | 0,73 | 2,86 | 3,80 | 3,58 |
| Netto driftsresultat i prosent av brutto driftsinntekter | 4,06 | 4,31 | -0,85 | 1,06 | -0,51 | 2,24 | 0,86 |
Brutto driftsresultat (BDR)
Brutto driftsresultat viser resultat av ordinær verksemd inkludert avskrivingar. Resultatet uttrykker kommunen sin evne til å betene gjeld, finansiere investeringar og setje av midlar til fond. Brutto driftsresultat i andel av brutto driftsinntekter er på 7,1 prosent i 2022 mot 5,3 prosent i 2021.
Netto driftsresultat
Den viktigaste indikatoren på handlingsrommet for ei kommune er netto driftsresultat. Netto driftsresultat viser resultat etter at renter, avdrag og utlån er belasta rekneskapen og er den delen av overskotet som er disponibelt som egenkapital til investeringar, avsetningar og dekning av tidlegare års underskot.
Teknisk berekningsutval anbefaler at netto driftsresultat er 1,75%. Giske kommune har som mål eit driftsresultat på minst 3 - 5% for å bygge opp disposisjonsfondet slik at kommunen kan få ein berekraftig økonomi. Giske kommune har no hatt to gode år der nivået har vore over det anbefalte nivået og har klart å styrke disposisjonsfondet som no er 4,57 prosent av driftsinntektene. Giske sitt mål er 5 - 10% av driftsinntektene. På grunn av høg lånegjeld bør nivået vere nærmere 10% for at kommunen skal ha ein robust økonomi. Det er derfor behov for å styrke disposisjonsfondet ytterlegare i åra framover.
Dersom ein trekker ut årets inntektsførte premieavvik m/arbeidsgiveravgift på kr 17 461 000 hadde Giske kommune eit "korrigert netto driftsresultat på 15,1 mill. kr eller 1,8 %.
KOSTRA
| 2022 | 2022 | 2021 | 2021 | 2020 | 2020 | |
|---|---|---|---|---|---|---|
| 1532 Giske | Kostragruppe 1 | 1532 Giske | Kostragruppe 1 | 1532 Giske | Kostragruppe 1 | |
| Brutto driftsresultat i prosent av brutto driftsinntekter | 7,1 | 1,8 | 5,4 | 3 | 2,1 | 0,6 |
| Netto driftsresultat i prosent av brutto driftsinntekter | 4,1 | 1,7 | 4,5 | 3,6 | -0,5 | 0,9 |
| Frie inntekter i kroner per inbygger | 66 028 | 67 213 | 63 118 | 64 828 | 58 235 | 60 403 |
Giske har mindre i frie inntekter i kroner per innbyggar enn gjennomsnittet i kostragruppe 1, men kjem Giske betre ut både i brutto driftsresultat i prosent av brutto driftsinntekter og netto driftsresultat i prosent av brutto driftsinntekter enn kostragruppe 1. Dette skriv seg i hovudsak frå den gode skatteinngangen Giske hadde i 2022.