3 Fellesutgifter - fellesinntekter

På dette ansvarsområdet blir det ført inntekter og utgifter som er felles for heile kommunen sin organisasjon og som ikkje kan knytast opp mot einskilde einingar eller stab. Døme på dette er:

• Felles personaltiltak / arbeidsmiljø
• Generelle arbeidsmiljøtiltak
• Diverse fellesfunksjonar:
  • Felles IT program, maskinvare og serviceavtaler.
  • Felles datakommunikasjon
  • Telefon og telefax
  • Frankering – porto
  • Kontingent til KS
  • Felles pensjonsutgifter/inntekter - premiefond.
  • Premieavvik blir samla her frå 2011.
  • Løn til lærlingar
  • Løn til hovudtillitsvalde og hovudverneombod
  • Utgifter til bedriftshelseteneste

Rammeområde 3. Fellesutgifter – fellesinntekter viser eit mindreforbruk på kr 17 mill.kr.

Meirforbruket skriv seg frå ansvar 1300 Felles drift og dei største avvika finn ein i teneste 1240 Diverse fellesfunksjonar - med eit meirforbruk på 1,8 mill kr. Meirforbruket på tenesta stammar i stor grad frå utgifter til datakommunikasjon, lisensar og serviceavtalar. Avviket er større på ramme 3 enn kommunen samla og viser at tenesta fortsatt er ein samlepost for utgifter som tidlegare vart fordelt på rammeområda.

Pensjonskostnadane medførte at rammeområdet fekk eit mindreforbruk på 12,7 mill.kr.

Giske kommune gjorde endring i pensjonsportefølja og har no portefølje med investeringsval. Dette frigjorde 50 mill.kr som vart tilført premiefondet. Midler på premiefond kan berre brukast til framtidig premiebetaling, og Giske kommune brukte 27 743 432 av premiefondet for å dekke premieinnbetalingar i 2022.

Som ein følge av endringa måtte kommuna betale inn 20 mill.kr i eit bufferavsetning, denne skal behandlast på same måte som ordinært innskot. For ikkje å belaste einingane ytterlegare er denne avsetninga i si heilheit ført i ramme 3.

Premieavvik vert budsjettert som inntekt – amortiseringa ei utgift, netto utgjorde det ei inntekt på 17,4 mill.kr. Premieavviket i KLP var budsjettert som inntekt med kr 4,1 medan det vart 23,8 mill.kr. Auken skriv seg frå bufferavsetninga som aukar premieavviket, men som vil kome som ei utgift gjennom armortiseringa dei neste 7 åra med ca 2,9 mill.kr per år. Bruk av premiefond vart 25,8 mill. kr, og er 23,3 mill.kr over budsjettet. Begge deler må ein sjå i sammenheng med auken i pensjonskostnadane som er fordelt på einingane, ser ein kommunen under ett vart det eit samla meirforbruk på 1,3 mill. kr for pensjonskostnadane og skriv seg hovudsklig frå auke i lønsutgiftene. Ser ein løn, sjukeløn og pensjonskostnader samla for alle rammeområda (heile kommunen) er der eit meirforbruk på ca 16 mill.kr.

Premieavviket er differansen mellom den berekna pensjons-kostnaden som vert ført i rekneskapen og premien som faktisk er betalt. Den betalte premien vil blant anna avhenge av avkastninga pensjonstilbydaren oppnår på pensjonsmidlane og lønsveksten rekna med utgangspunkt i lønsnivået ved utgangen av året.

Dei øvrige tenestene gjeld stort sett lærlingløn for heile kommunen. Avvika kjem av at den faktiske fordelinga av lærlingane vart ulik den budsjetterte.