Skulehelseteneste, helsestasjon og jordmorteneste

Ca 1500 barn mellom 0-18 år får oppfølging av helsestasjon, 120 får oppfølging av jordmor.

I 2022 var det 82 fødslar og 6 nytilflytta barn.

Ut frå helsestasjonen sine register:

• 63 born 0-15 år (46 familiar) har flytta til Giske kommune i 2022
• 26 av borna er utanlandske (18 familiar).
• 36 born 0-15 år (23 familiar) har flytta frå Giske kommune i 2022

Helsestasjonen mottok også i 2022 tilskotsmidlar tilsvarande 2,6 stillingar for styrking av mellom anna skulehelsetenesta og jordmortenesta. Kompetansen til helsesjukepleiarane blir nytta meir strukturert i dei oppretta inkluderingsteama på skulane og sikrar det helsefaglege perspektivet i det tverrfaglege arbeidet med å styrke det inkluderande arbeidet i skulen. Tenesta har også hatt ei satsing på foreldrestøttande og foreldreførebuande tilbod og har gjennomført fleire ulike kurs i 2022. Styrking av jordmortenesta har også gjort det mogleg å fylgje opp måla om tidleg oppfølging til barselkvinner etter utskriving frå sjukehuset.