6 Barn, familie og helse

Rekneskap for ramme 6, Barn, familie og helse, viser eit meirforbruk kr 937 000 ut frå opprinneleg budsjett, men eit mindreforbruk kr 563 000 ut frå endra budsjett. Eininga vart tilført, via budsjettendring, kr 1 500 000 grunna mottak av fleire flyktningar, frå vedtak på 10 til nytt vedtak på 55 nye flyktningar. Flyktningtenesta fekk tilført 1,5 årsverk for å handtere oppgåvene. Barneverntenesta har eit mindreforbruk med om lag 2,5 mill. Tenesta har brukt mindre på barnevernstiltak utanom familien enn budsjettert. Legetenesta og fysio/ergo har eit meirforbruk, medan flyktning, helsestasjonstenesta og introduksjonsprogrammet har eit mindreforbruk. Pensjonskostnadane vart lagt til ramma seint på året. Kostnadane var ikkje budsjettert. Inntektene ligg til ramme 3.

Oppvekstreforma/barnevernsreforma tredde i kraft frå 1.1.2022. Kommunen har fått ansvar for institusjon og fosterheimsarbeid som barneverntenesta må handtere, ut over det ligg reforma til heile organisasjonen å følgje opp. Det krev mellom anna tett samarbeid mellom ei rekke tenester. Mange av oppgåvene vert løyst gjennom satsinga Betre tverrfagleg samhandling (BTS) Kommunen og barneverntenesta fekk tilført kr 2,8 mill i budsjett 2022 gjennom reforma, samtidig fall tilskotsordninga, som tenesta har fått gjennom mange år, bort med same beløp.

Kommunestatestikken viser at 28% av innbyggjarane i Giske kommune er mellom 0-20 år. Det er framleis nasjonal satsing på helsestasjon, skulehelseteneste og jordmorteneste. Desse tenestene søkjer vi tilskot til frå stat for å styrkje bemanninga. Betre tverrfagleg samarbeid (BTS) er eit overordna satsingsområdet i Giske kommune. Prosjektet vert finansiert gjennom tilskot frå Bufdir. Arbeidet er forankra både politisk og administrativt. Arbeidet skal treffe fleire lovkrav og reformer som er retta til kommunen å handtere. Kommunen vil framover ha stort fokus på tidleg innsats og førebyggande arbeid til barn og unge ein er bekymra for.

Giske kommune deltek i interkommunalt samarbeid og kjøper tenester hjå andre kommunar knytt til legevakt natt, barnevernvakt, krisesenter og overgrepsmottak.

Kommunen har fått tilført nye og fleire oppgåver dei siste åra. Det følgjer ikkje alltid med økonomiske midlar til å gjennomføre oppgåvene, kommunen må handtere dette med eksisterande ressursar. Tenestene gir tilbakemelding om stor arbeidsmengd og slitasje over tid.

Fastlegeordninga, som er krevjande i mange kommunar i landet, har vore stabil i Giske kommune i 2022.

Dei største utfordringane for eininga i 2022:

• Fleire stillingar i tenestene har stått vakante i store deler av året for å nå målet om innsparing, Dette har ført til stor belastning på tilsette og leiarar.
• Rekruttere og behalde fagpersonell.
• Auka sjukefråvær, 10% i 2022. Auka slitasje i tenestene.
• Styrke den tverrfaglege og koordinerte innsatsen til utsette barn og unge.

Bærekraftsmål 3: God helse og livskvalitet. Eininga har sett i verk ulike rutiner og retningslinjer og følgt nasjonale krav og føringar. Giske kommune har god dekking av allmenne helsetenester. Kommunen samarbeider med Helseføretaket, politiet og kommunane rundt for å møte utfordringar på best måte. Giske kommune har eit godt samarbeid med Giske kommunale legesenter for å yte best mogleg samanhengande tenester.

Bærekraftsmål 17: Samarbeid for å nå måla. Prosjekt "Betre tverrfagleg samhandling" og "TALK" er viktig arbeid mellom oppvekst, helse og omsorg. Elles samarbeider tenestene både internt i eininga og med tenester i andre sektorar.

Kostratal vert presentert under tenesteområda.