Økonomiske hovudtal

Kommunen sine driftsinntekter var 696,3 mill. kr mot justert budsjett på kr 653,7 mill.kr. Ein auke på 43,2 mill.kr i høve budsjettet. Av dette kjem 38,3 mill. kr av meir inntekter frå overføringar med krav til motytelse (statlege tilskott, sjukepengerefusjon mm.) som har motposter i driftsutgiftene.

Kommunen sine driftsutgifter var 683,7 mill.kr mot justert budsjett på 634,7 mill. kr. Auken på kr 48,9 mill kr skriv seg frå auke i lønsutgifter med 18,2 mill kr. Auka lønsutgifter må ein sjå i samanheng med sjukelønsrefusjon som er ein del av kommunen sine driftsinntekter. Tilskott som ikkje er brukte i året vert overført til bundne fond.

Kjøp av varer og tenester blei 210,8 mill. kr mot justert budsjett på kr 189,1 mill.kr. Ein auke på 21,6 mill kr. Den største auken kjem av kjøp av tenester frå private og er stort sett knytt til kjøp av helsetenester.

Overføring og tilskott til andre vart 29,4 mill.kr og var budsjettert med 20,5 mill. kr. Auken på 8,8 mill. kr kjem av høgre overføringar som følge av støtte knytt til koronapandemien, både til næringslivet og private barnehagar.

Kommunen sine netto finansutgifter vart kr 58,3 mill. kr og var budsjettert med 51,3 mill.kr. Avkastning på finansinntekter og renteutgifter har vore påverka av det lave rentenivået som følge av koronapandemien. Avkastninga på finansinntektene var 3,7 mill. kr mot budsjettert 6,9 mill.kr, medan renteutgiftene vart 4,3 mill. kr lavere enn budsjettet.

Endeleg beregning av minsteavdrag viser at Giske kommune har budsjettert med for lavt avdrag. Avdraget vart 7,3 mill. kr høgre enn budsjettert. Av dette blei 3,5 mill.kr meldt ved økonomirapporteringa per mars og vidare gjennom året.

Giske kommune hadde i 2020 eit negativt netto driftsresultat på 5,951 mill.kr. Til samanlikning var netto driftsresultat i 2019 på -7 mill. kr, dvs. ei betring av netto driftsresultat på 1 mill. kr.

Brutto driftsresultat viser resultat av ordinær verksemd inkludert avskrivingar. Resultatet uttrykker kommunen sin evne til å betene gjeld, finansiere investeringar og setje av midlar til fond. Brutto driftsresultat i andel av brutto driftsinntekter er på 1,9 prosent i 2020 mot 0,73 prosent i 2019. Brutto driftsresultat er lågt.

Den viktigaste indikatoren på handlingsrommet for ei kommune er netto driftsresultat. Netto driftsresultat viser resultat etter at renter, avdrag og utlån er belasta rekneskapen og er den delen av overskotet som er disponibelt som egenkapital til investeringar, avsetningar og dekning av tidlegare års underskot.

Teknisk berekningsutval anbefaler at netto driftsresultat er 1,75%. Med unntak av 2016 og 2017 har Giske kommune ikkje klart å halde dette nivået sidan 2013.

Dersom ein trekker ut årets utgiftsførte premieavvik m/arbeidsgiveravgift på kr 5 128 054 hadde Giske kommune eit "korrigert netto driftsresultat på 3,3 mill. kr eller 0,48%.

Giske kommune har som mål eit driftsresultat på minst 3 - 5% for å bygge opp disposisjonsfondet slik at kommunen kan få ein berekraftig økonomi.

Resultatet for 2020 gir grunnlag for å styrke dei kommunale reservane gjennom styrking av disposisjonsfondet.

Giske har mindre i frie inntekter i kroner per innbyggar enn gjennomsnittet i kostragruppe 1, men kjem Giske betre ut i brutto driftsresultat i prosent av brutto driftsinntekter enn kostragruppe 1. På grunn av høg lånegjeld og gjeldsrenter ligg Giske lågare enn kostragruppe 10 i høve netto driftsresultat i prosent av brutto driftsinntekter.