7 Pleie og omsorg

Tenestene innan ramme 7 vert ytt av Vigra, Giske og Godøy omsorgsdistrikt , Valderøy omsorgsdistrikt, eining Meistring og psykisk helse. I tillegg ligg eit ansvarsområde knytt til ny smittevernavdeling, utskrivingsklare brukarar og øyeblikkelig hjelp døgntilbod (ØHD).

Rekneskapet viser eit samla meirforbruk på kr 8,436 mill i ramme 7.

Det største meirforbruket er knytt til tenesta avlastning, med ca kr 9 mill. Dette er nye ressurskrevjande brukarar som har kome til i løpet av året og endring i tenestetilbod, som det ikkje var budsjettert for. Bufellesskap funksjonshemma har eit meirforbruk med om lag kr 3 mill, også her er det knytt til nye ressurskrevjande brukarar som har kome til ila året. Det ligg eit meirforbruk kr 1,3 mill knytt til pleie/omsorg, hjelp i institusjon. Årsak til meirforbruket er knytt til kr 390 000 til bøter i høve utskrivingsklare pasientar ved sjukehuset, og ikkje budsjettert kjøp av Øyeblikkelig hjelp døgn-tilbod (ØHD). Drift av institusjon, avd Skogly på Vigra, viser eit mindreforbruk med kr 500 000. Kommunen har arbeidd med fleire tiltak og hatt eit tett samarbeid mellom tenestene, men har ikkje klart å ta i mot alle utskrivingsklare pasientar. Giske kommune måtte frå mars 2020, kjøpe tenesta øyeblikkelig hjelp døgntilbod ved Ålesund lokalmedisinske senter. Årleg kostnad kr 2 mill. Dette var ikkje budsjettert for i 2020.

Dei andre tenestene innan rammeområdet går i balanse eller har eit mindreforbruk. Einingane har arbeidd kontinuerleg med å justere drift i andre tenester når nye ressurskrevjande brukarar har kome til. Meirforbruket ville har vore om lag kr 4 mill høgare om ikkje ulike tiltak vart sett i verk.

Kommunestyret vart gjennom heile 2020, informert om dei økonomiske utfordringane som låg til ramme 7. Nye ressurskrevjande brukarar som ikkje er budsjettert for, er ein stor økonomisk risiko for kommunen. 18 brukarar med ressurskrevjande tenester brukte 27% av budsjettet i ramme 7. Pleie og omsorg ventar ei utgiftsauke med om lag 32% dei neste 10 åra. Vidare er det venta ein vekst i behov for pleie og omsorgstenester dei neste 20 åra med om lag 90%.

Giske kommune fekk tildleg erfaring med smitte i omsorgstenestene. Allereie i medio mars fekk vi to smitta ved eit omsorgssenter. Det var i perioden stort trykk på tenestene og stor arbeidsbelastning på dei tilsette og leiarar. Stort informasjonsbehov både til brukarar, pårørande og tilsette. Besøksreglar og handtering av dette har vore viktig for å hindre smittespreiing til omsorgssenter og bufellesskap. Giske kommune etablerte raskt smittevernlager, teststasjon, mottak på flyplassen osv. August 2020 fekk Giske kommune oppgåve og ansvar å etablere teststasjon ved Ålesund lufthavn, Vigra, og i november kom oppgåva om etablering av innreisekarantenehotell. Det har gjennom 2020 kome til mange oppgåver og mykje ansvar til kommunen og helse og omsorgstenestene. Med bakgrunn i alle oppgåvene som vart lagt til helse- og omsorgstenesten valde kommunen å etablere ei eiga avdeling for smittevern. Avdelinga vil fungere så lenge behovet er til stades.

Bærekraftsmål 3: God helse og livskvalitet. Sikre god helse og fremje livskvalitet for alle, uavhengig av alder. Hindre smittsommer sjukdommar, korona, har naturleg nok vore arbeidd mykje med i 2020. Alle einingane har sett i verk ulike rutiner og retningslinjer og følgt nasjonale krav og føringar. Giske kommune etablerte eiga avdeling for smittevern, som har ansvar for testing, smittesporing, isolering og karantene. Giske kommune har i tillegg fått i oppgåve å drive teststasjon ved grensekontroll på flyplassen, og innreisekarantenehotell i samarbeid med Ålesund kommune. Giske kommune har god dekking av allmenne helsetenester. Kommunen samarbeider med Helseføretaket, politiet og kommunane rundt for å møte utfordringar på best måte. Giske kommune har eit godt samarbeid med legesenteret for å yte best mogleg samanhengane tenester.

Bærekraftsmål 17: samarbeid for å nå måla. Det er eit tett samarbeid mellom helse- og omsorgstenestene, NAV, oppvekst, og andre aktuelle tenester, Helseføretaket og andre kommunar. Samarbeidsprosjekt som TALK og Betre tverrfagleg innsats.