Barnevernstenesta

Barnevernstenesta: Totalt mottatte meldingar: 105 , Henlagt etter undersøking: 49, Fristbrot i undersøking: 8 % (2 .halvår/ av 44 ) Barn med tiltak: 1.halvår: 83, 2.halvår: 60. Barn under omsorg: 5 . Tilsyn:10

Tenesta er på god veg i arbeidet med styrking av relasjonar og i møtekome uttalte og vurderte behov. Ein har målbart auka kontaktpunkta med barn og familiar. Ein har styrka tenesta med vurdering av barnets beste, relasjonskompetanse og psykisk helse. Dei fleste borna i tenesta har aktive tiltaksplanar og ein arbeider for hyppigare planevalueringar. Ein har arbeidd med å styrke samarbeid med dei ulike tenestetilboda i kommunen.

Barneverntenesta arbeider for å vere synlege i ulike forum, deltek på fagmøte i barnehagar og skular når det er ønskjeleg. Alle skular og barnehagar har eigen kontaktperson. Tenesta tek i mot NN-saker, drøftar og deltek i ulike samarbeidsprosjekt (TALK, BAPP m.m).

Fylkesmannen gjennomførte tilsyn med undersøkingssaker i barneverntenesta hausten 2020. Tenesta fekk avvik på manglande internkontroll og svikt i dokumentasjon og forsvarleg saksbehandling.Tenesta hadde ikkje dokumentert vurdering av barnets beste i sakene som var undersøkt. Tenesta fekk pålegg om å utarbeide plan for lukking av avviket og at det blir kontroll innan 01.06.21, med tilbakemelding til Fylkesmannen. Arbeidet med å lukke avviket er sett i gong.