3 Fellesutgifter - fellesinntekter

På dette ansvarsområdet blir det ført inntekter og utgifter som er felles for heile kommunen sin organisasjon og som ikkje kan knytast opp mot einskilde einingar eller stab. Døme på dette er:

• Felles personaltiltak / arbeidsmiljø
• Generelle arbeidsmiljøtiltak
• Diverse fellesfunksjonar:
  • Felles IT program, maskinvare og serviceavtaler.
  • Felles datakommunikasjon
  • Telefon og telefax
  • Frankering – porto
  • Kontingent til KS
  • Felles pensjonsutgifter/inntekter - premiefond.
  • Premieavvik blir samla her frå 2011.
  • Løn til hovudtillitsvalde
  • Utgifter til bedriftshelseteneste

Rammeområde 3. Fellesutgifter – fellesinntekter viser eit meirforbruk på kr 17 389 802.

Meirforbruket skriv seg frå ansvar 1300 Felles drift og dei største avvika finn ein i teneste 1240 Diverse fellesfunksjonar - med eit meirforbruk på 3,5 mill kr. Det er ein auke i utgifter til datakommunikasjon, lisensar og serviceavtalar som ikkje har vore fanga opp ved budsjetteringa på ca 900 000 for kommunen samla. At avviket er større på ramme 3 enn kommunen samla viser at tenesta ser ut til å bli ein samlepost for utgifter som tidlegare vart fordelt på rammeområda.

Premieavvik vert budsjettert som inntekt – amortiseringa ei utgift, netto utgjorde det ein utgift på 5,1 mill kr. Premieavviket i KLP var budsjettert som inntekt med kr 17 219 597 medan det vart kr 2 846 000. Differansen på 14,3 mill. kr utgjer den største auken på rammeområdet. Bruk av premiefond vart 4 mill. kr, kr 342 000 under budsjettet. Begge deler må ein sjå i sammenheng med reduksjonen i pensjonskostnadane som er fordelt på einingane, netto vart det eit samla meirforbruk på 4,3 mill. kr for pensjonskostnadane.

Premieavviket er differansen mellom den berekna pensjons-kostnaden som vert ført i rekneskapen og premien som faktisk er betalt. Den betalte premien vil blant anna avhenge av avkastninga pensjonstilbydaren oppnår på pensjonsmidlane og lønsveksten rekna med utgangspunkt i lønsnivået ved utgangen av året.

Det er verdt å merke seg at pensjonskostnaden vert fordelt på einingsnivå, medan premieavviket vert ført på rammeområde 3. Dette gjer at effekten av premieavviket ikkje vil vere synleg på rammenivå slik at dei får ein relativ lav pensjonskostnad.

Dei øvrige tenestene gjeld stort sett lærlingløn for heile kommunen. Avvika kjem av at den faktiske fordelinga av lærlingane vart ulik den budsjetterte.