Barnehage og styrka tilbod (førskuletilbod)

Teneste 2110 Barnehage

Giske har 6 private og 2 kommunale barnehagar. 98 % av alle barn som går i barnehage, har full plass. Dei resterande har 80 % plass.

Det er framleis vanskeleg å få tilsett nok pedagogar med godkjent utdanning i nokre av barnehagane våre. Auka pedagognorm gir fagleg styrking og aukar driftskostnadene. Samtidig blir det vanskelegare å få tak i nok pedagogar.

På barnehageområdet har Giske og Sula kommuner hatt eit tett samarbeid, først og fremst med implementering av ny rammeplan gjennom prosjektet "To fram" der firmaet "Ringer i vann" var fagleg ansvarleg. Prosjektet blei avslutta i oktober 2020.

Sidan 2018 har barnehagane vore inkludert i TALK-prosjektet. I 2020 har fokuset for barnehagane vore å auke det allmennpedagogiske tilbodet gjennom å innføre dagtavler på alle avdelingar i alle barnehagane.

Teneste 2111 Styrka tilbod til førskulebarn

Styrka tilbod til førskulebarn omfattar både spesialpedagogiske tiltak og tilrettelegging for barn med særlege behov.

Spesialpedagogane i førskulen er tilsett i kommunen, og teamet hadde 5,7 årsverk i 2020. Av dette går 0,3 årsverk til arbeid med minoritetsspråklege barn, finansiert av øyremerka tilskot. Det er avsett 0,4 årsverk til teamleiar, som har ansvaret for å fordele arbeidsoppgåvene for spesialpedagogane og følgje opp arbeidet med tilbodet i barnehagane.

Om lag 5,6 årsverk er knytt til enkeltvedtak om spesialpedagogiske tiltak. Dei resterande 0,1 årsverka blir brukt til å jobbe med TALK. Når behovet er meir assistent, set dei private barnehagane inn ekstra bemanning og får refusjon frå kommunen til dette