Vaksenopplæring

Vaksenopplæring omfattar opplæring i norsk og samfunnskunnskap for innvandrarar og flyktningar med rett til opplæring etter § 17 i introduksjonslova, og grunnskuleopplæring for vaksne, eventuelt realkompetansevurdering på grunnskuleområdet etter opplæringslova kap. 4A. Per 15. oktober 2020 var det 12 deltakarar på norskopplæring og 7 deltakarar på grunnskuleopplæring.

Frå hausten 2020 kjøper Giske kommune desse tenestene frå Hareid kommune.

IMDI (Innvandrings- og mangfoldsdirektoratet) betaler ut tilskot til norskopplæring. Kommunar med meir enn 4 personar med rett til norsk og samfunnskunnskap fekk i 2020 eit grunntilskot på 589.000 kroner.

I tillegg får kommunane utbetalt persontilskot etter fastlagde satsar i inntil 3 år.