Kvalitet, internkontroll og beredskap
Kommunelovas § 25-1 sett krav til kommunedirektøren sin oppfølging av internkontrollen. Gjennom 2020 har fokus på kvalitet, internkontroll og beredskap blitt styrka. I tillegg til beredskapskoordinator i 0,2 årsverk har vi fått på plass ein seniorrådgivar i 0,5 årsverk innafor kvalitet og internkontroll. Frå 2021 er desse to stillingane slått saman til 1 årsverk.
Det har vore svært arbeidskrevjande arbeid med COVID-19-pandemien frå medio februar. I starten involverte dette spesielt beredskapsleiinga og helse- og omsorgssektoren. Seinare vart omtrent alle sektorar sterkt påverka, og rådhuset har vore stengt for besøk i store delar av året.
Hovudoppgåver innafor beredskap har i 2020 vore:
- motverke, isolere og slå ned smitteutbrot i sektorane
- etablere mellombels legesenter for Giske i Ålesund
- legge til rette for karanteneopphald for tilreisande
- etablere og drifte teststasjonar på Ålesund Lufthamn Vigra og ved rådhuset
- samordne med regionale og nasjonale smitteverntiltak
- halde løpande kontakt med fylkesmannen/ statsforvaltaren
- drive løpande informasjonsarbeid mot innbyggarane
Hovudoppgåver innafor kvalitet og internkontroll har i 2020 vore:
- velje overordna kvalitetssystem; Compilo
- personvernforordningen; protokollar for personopplysningar og personvernerklæringar
- samarbeid med personvernombod i IKA MR
- prosjekt Omstilling av fellesfunksjonar; organisering av fellesfunksjonane slik at denne bidreg til effektiv drift og rett og god tenestekvalitet
Det er også starta eit arbeid med å lage ein strategi for kvalitet og internkontroll.
Giske kommune er ein lærande organisasjon der vi saman jobbar med å utvikle kapasitet til å levere tenestene våre i tråd med verdiane våre; respekt, løysingsvilje, engasjement og kvalitet.