5 Oppvekst
Drift
| 5 Oppvekst | Regnskap | Buds(end) | Budsjett | Regnskap | |
|---|---|---|---|---|---|
| Teneste | alle tal i heile 1000 | 2020 | 2020 | 2020 | 2019 |
| 2110 | BARNEHAGE | 85 467 | 82 698 | 82 547 | 81 791 |
| 2111 | STYRKA TILBOD TIL FØRSKOLEBARN | 8 829 | 9 910 | 9 910 | 9 646 |
| 2120 | GRUNNSKOLE | 107 357 | 110 957 | 109 435 | 112 754 |
| 2121 | PEDAGOGISK RETTLEIINGSTENESTE | 687 | 869 | 869 | 819 |
| 2130 | VAKSENOPPLÆRING | 2 143 | 3 721 | 3 721 | 3 175 |
| 2150 | SKOLEFRITIDSTILBOD | 2 696 | 2 266 | 2 562 | 1 526 |
| 2210 | BARNEHAGELOKALER OG SKYSS | - | - | - | 0 |
| 2220 | SKOLELOKALER | 1 | - | - | -12 |
| 2230 | SKOLESKYSS | 1 607 | 1 833 | 1 833 | 1 977 |
| Sum gruppeansvar: 5 OPPVEKST | 208 786 | 212 255 | 210 877 | 211 678 |
Giske er den mest barnerike kommunen i fylket. I 2020 var 22,7 % av innbyggarane under 16 år. 8,7 % var i førskulealder. Nesten halvparten (45,8 %) av kommunen sine driftsutgifter går til barnehage og skule. 19,1 % av kommunens samla netto driftsutgifter går til barnehage, og 26,7 % til grunnskule. I 2020 har det vore arbeidd systematisk for å redusere kostnadane innanfor oppvekst, og dette medførte eit mindreforbruk på knapt 3,5 mill. kroner.
Tilsettfråvær
| Tenesteområde | Korttid | Langtids | Totalt |
|---|---|---|---|
| 2110 Barnehage | 3,0 % | 2,3 % | 5,3 % |
| 2111 Styrka tilbod til førskulebarn | 3,1 % | 2,7 % | 5,8 % |
| 2120 Grunnskule | 1,1 % | 5,1 % | 6,2 % |
| 2150 Skulefritidstilbod | 1,4 % | 10,3 % | 11,6 % |
| Totalt | 1,5 % | 5,0 % | 6,4 % |
Økonomi
I 2020 har oppvekstsektoren hatt eit sterkt fokus på økonomi. Samla kostnader vart redusert med om lag 2,9 mill. kroner i høve til 2019.
Teneste 2110 Barnehage
Dei kommunale barnehagane hadde eit mindreforbruk på til saman 382.000 kroner. Likevel har teneste 2110 eit meirforbruk på om lag 2,8 mill. Dette skuldast i hovudsak at ein ikkje tok høgde for reduserte inntekter for barn frå Ålesund kommune, samt at det vart utbetalt kompensasjon for tapt foreldrebetaling då barnehagane var stengde på grunn av korona.
Teneste 2111 Styrka tilbod til førskolebarn
Tenesta reduserte kostnaden frå 2019 med om lag 820.000 kroner, og hadde eit mindreforbruk på om lag ein million på grunn av reduserte kostnader til assistent i private barnehagar.
Teneste 2120 Grunnskule
Dei største innsparingane er gjort i grunnskulen. Samla kostnader var 7,8 mill. lavare enn i 2019, eit mindreforbruk på 3,6 mill i høve til endra budsjett. Dei viktigaste grunnane til denne nedgangen ligg i reduserte pensjonskostnader (3,4 mill i høve til 2019) og mindre arbeidsgivaravgift (1,5 mill i høve til 2019). Bruk av vikar og engasjement er redusert med om lag 1,5 mill kroner.
Teneste 2121 Pedagogisk rettleiingsteneste
Tenesteområdet har eit mindreforbruk som skuldast at bundne fond vart avvikla og godskrivne rekneskapen.
Teneste 2130 Vaksenopplæring
Frå hausten 2020 kjøper Giske vaksenopplæringstenester frå Hareid kommune. Dette blir mykje rimelegare for Giske, sjølv om elevane får kompensert dei ekstra reisekostnadene. Saman med redusert tal på deltakarar, har dette medført eit mindreforbruk på ca. 1,6 milll.
Teneste 2150 Skolefrititdstilbod
Giske har den høgste foreldrebetalinga i fylket. Det blir gjort årlege utrekningar av sjølvkost i SFO-ordninga. Nettokostnaden går til ekstra tiltak for barn med særskilte behov.
Teneste 2230 Skoleskyss
Kostnadane ligg 226.000 under budsjett. Dette skuldast at fylkeskommunen ikkje fakturerte skyss då skulane var stengde.
| Mål | Kva er gjort | Resultat |
|---|---|---|
| Lærarnormen krev auka lærarinnsats | Skulane manglar om lag 3 lærarårsverk | |
| Fagfornyinga – nye læreplanar skal setjast i verk 2020 | Arbeidet med fagfornyinga er i god gjenge | |
| Snarleg avklaring og eventuelt implementering av ny skulestruktur og struktur for leiing i skulen jf. igangsett utgreiingsarbeid | Kommunestyret har vedteke at ungdomstrinnet skal samlast på Valderøya, og at elevane på barnesteget skal samlast på Godøy skule | Arbeid med samanslåing er godt i gang i regi av ei politisk oppnemnd styringsgruppe. |
| Høgt tal på elevar med spesialundervisning og høgt tal på årsverk brukt til spesialundervisning går på bekostning av tilpassa opplæring og tidleg innsats. Oppfølging og iverksetjing av tiltak vedteke av kommunestyret. | Reduksjon i spesialundervisning frå 12% til 9,4% | |
| Vidareføre leiarprogrammet "To fram" i barnehagane i samarbeid med Sula kommune og Ringer i vann. | Programmet avslutta i 2020 | Barnehagane har nye samordna rutiner. |
| Innføre programmet "På sporet" for elevar som står i fare for å utvikle lese- og skrivevanskar | Vidareført til også å gjelde arbeid med grunnleggande begrep | Arbeidet pågår |
| Vidare arbeid med digitalisering | Ny ID-handtering kom på plass med Feide 2.0 som gir tilgang til mange nye tenester. Innføring av Microsoft 365 gir alle tilsette og alle elevar tilgang til felles digitale flater. | Digital heimeundervisning kunne iverksetjast frå første dag med koronastengd skule. |
| God kvalitet grunnskule | Årleg tilstandsrapport for grunnskule blir behandla av kommunestyret. | Sjå K-sak 084/20 |
| Vidareføre arbeidet med TALK-prosjektet, sosiale læreplanar for menneske med høgtfungerande autismespekterforstyrrelse | Både barnehagane og helsetenestene er no med i prosjektet. | Barn med autismeutfordringar møter tilrettelagd skuletilbod. |
| God økonomistyring | Månadleg rapportering og oppsummering per tertial. Rammeområdet hadde mindreforbruk. | Målet er nådd |
Korona
Då skulane måtte stenge på kort varsel 13. mars, var ein raskt i gang med digital heimeundervisning med hjelp av eit spekter av digitale kanalar og arbeidsflater. Microsoft Teams vart eit sentralt verktøy saman med t.d. læringsplattformen Showbie, SMS-tenesta Transponder, og opne Facebook-kanalar. Giske har eit nyleg oppgradert identitetshandteringssystem som sikrar alle tilsette og elevar tilgang til dei digitale ressursane, og dette fungerte svært bra.
I perioden med nedstenging vart det gitt tilbod om barnepass i barnehage og SFO til foreldre med samfunnskritiske funksjonar. Elevar med særlege behov vart følgt opp så godt det let seg gjere. Opning av skular og barnehagar på raudt nivå med små grupper og korte dagar har vore eit gode for mange av desse barna.
Då skular og barnehagar gradvis opna etter påske og framover, var det venta at ein sterk auke i vikarbruken, sidan både tilsette og barn måtte haldast heime også ved lette luftvegsymptom. Dette har gitt mindre utslag enn venta.
Bærekraft, bærekraftsmål nr 17, saman for å nå måla
Tilsette i oppvekstsektoren erfarer å ha bruk for eit tettare samarbeid med fokus på å utvikle likeverdige tenestetilbod i barnehage og skule. Det har vokse fram ei forståing av at kapasiteten aukar når tilsette og leiing lærer saman og av kvarandre. Teknologisk kompetanse og erfaring med digitale møterom har opna opp for effektivt samarbeid internt i oppvekst, på tvers av einingar og også tverrfagleg. Eit tydeleg frampeik vil vere å utvikle god og effektiv samhandling til beste for barna som veks opp her. I denne samhandlinga vil det også vere rom for føresette, frivillige, lag og organisasjonar.