9 Teknisk

Rekneskapsresultatet i 2018 vart på kr 51.5 mill. mot kr 50,2 mill. i 2017, dvs. stabilt utvikling sett opp mot løns- og prisvekst. Budsjettramma vart redusert frå kr 44,5 mill. til kr 43.3 mill. i alt kr 1,2 mill. Drifta har over år blitt stramma inn med om lag kr 3 millionar men avviket vart større enn tidlegare år, i alt kr 8.162.180 (2017: kr 5.774.034).

Oversikta ovanfor viser at avviket (overforbruk/mindre inntekter) var størst for eigedomsavdelinga, men også byggesak, brannvern og kommunalt kartverk har avvik. Noko er større utgifter, men ein ikkje uvesentleg del gjeld svikt i inntekter som vart lågare enn budsjettert (sjå kommentarane på ansvarsområda nedanfor). For å kome i balanse må ein ta nye grep med omstilling og teknologi som gjer at ein kan rasjonalisere drifta: auke inntektene og/eller redusere på tiltak eventuelt tal på tilsette.

Kvalitetsplanar skal utviklast for alle kommunale tenester .

Tverrfagleg og tverrsektorielt samarbeid skal leggjast til grunn for tilbod til brukarar med samansette behov.

Gjennomføring av omstillingsprogrammet «Tenesteutvikling gjennom digitalisering og bruk av ny teknologi» held fram.

Nettbaserte løysingar for intern kommunikasjon og informasjon skal vidareutviklast.

I arbeidet med utvikling av Giske-samfunnet skal det leggast vekt på tiltak og aktivitetar som bidreg til utvikling av eit heilskapleg syn på organisasjon og samfunn.

Innbyggjarmedverknad mellom val skal ha høg fokus frå kommunen si side utover det som følgjer av lov og forskrift. Arbeidet med å utvikle godt samspel med innbyggarane held fram i planperioden.

Teknisk har gjennom året reorganisert tenestene og starta arbeid med kvalitetssikring av prosessar og rutiner, og systematisk leiarutvikling. Det er etablert ein stab som arbeider på tvers av dei tekniske tenestene med økonomi og juridisk kompetanse.

Omstillingsprogrammet prioriterte tre prosjekt, to LEAN-prosjekt og eit med fokus på leiing. Dei eine LEAN-prosjektet hadde utgangspunkt i vurdering av organisering, arbeidsmiljø og arbeidsflyt på uteseksjonen med mål om meir effektiv drift. Det andre tek føre seg prosesstyring på plan og utbygging med fokus på framdrift og kvalitetssikring. Det tredje OU-prosjektet har bakgrunn i omstrukturering og meir effektiv, samordna leiing av eininga. Arbeidsflyten må endrast for å sikre god framdrift og resultatoppnåing. Prosjekta har gått gjennom heile 2018 og har tatt tid, men vil gi betre styring og drift i åra som kjem. Andre satsingar har vore digitalisering, med innkjøp av nye program for kart og FDV og utprøving av robotar (reinhald og plenklipping). Den nye, nettbasert kartløysinga er tilrettelagt for intern saksbehandling, profesjonelle brukarar og innbyggarar. Løysinga skal kom på plass i veke 12 og opna i mai 2018. Målet for omstillings- og digitaliseringsprogrammet er døgnopen teknisk eining.

Investeringsbudsjettet viser kritiske utfordringar når det gjeld gjennomføringsevne. Det blir prioritert å endre prosess og arbeidsflyt på dette området for å rette opp kritikkverdige forhold og rapportering av uforutsette problem.

Det vart behandla 79 politiske saker (same som i 2017), og meldt 188 delegerte saker (199 i 2017).

Byggesak:

I 2018 vart det fatta byggesaks vedtak fordelt slik:
§20-3 (Søknadspliktig, ansvarleg føretak) Ett trinnssak 87 saker
§20-3 (Søknadspliktig, ansvarleg føretak) Rammeløyve 7 saker
Igangsatte 10 saker
Endring 19 saker
Dispensasjon politisk 2 saker (ei avslag)
Dispensasjon 29 saker
U/ansvarsrett 11 saker
Bruksløyver 26 saker
Ferdigløyver 37 saker
Bruksendring 0 sak
Diverse 10 saker

Deling:

Delingssøknadar: 18

Dispensasjon delesak: 13

Tal på tilsette er 78 (82 i 2017 og 88 i 2016), med 26 brannmenn i deltidsstillingar. Stillingane er fordelte på dei ulike avdelingane i samsvar med ansvar og arbeid, og reglane for sjølkost. Leiar, nestleiar og nokre stillingar som er definerte som felles-stab er fordelt på dei fleste områda. Dei fleste av saksbehandlarane har eitt til to tenesteområde.

Sjukefråveret samla var 10,2% (5,6%), ein vekst frå året før og over målet om maksimalt 5%. Det vart arbeidd aktivt med å styrke arbeidsmiljøet i eininga, med særleg fokus på uteseksjonen og eigedomsavdelinga. Dette arbeidet må halde fram vidare med kontinuerleg HMS arbeid.