9 Teknisk

Teknisk Eining:

Teknisk eining har ansvar for eit breitt spekter av oppgåver. Eininga består av hovudområda (1) forvaltning, (2) driftsavdeling, (3) eigedomsavdeling og (4) reinhald.

Samtidig er det få tilsette på kvart ansvarsområde. Dette gjer eininga sårbar ved sjukdom og jobbskifte og er ei vedvarande utfordring i arbeidet med å rekruttere- og behalde tilsette. Det er eit gap mellom forventningar og lovkrav og kva teknisk eining reelt sett kan klare å levere.

Teknisk forvaltning:

Byggesaksavdelinga fekk i 2023 styrka ressursar gjennom politisk vedtak med tilsetting av ein ekstra saksbehandlar. Det vart ikkje løyvd ekstra budsjettmidlar til tilsettinga. Det har blitt varsla i månadsrapportane at dette vil medføre eit meirforbruk på lønnskostnadar for teneste 3020 Byggesak (sjølvkost), og 3021 Rettleiing (drift).

Den nytilsette saksbehandlaren er for tida tilsett på byggesak, men ved behov kan han få tildelt andre oppgåver frå andre fagområde.

I nabokommunane har dei fleste merka nedgang på innkomne saker, mens i Giske er det framleis stor pågang. Alle nyinnkomne saker skal takast mottakskontroll på i løpet av første veka og behandlast innan fristen. Det ligg framleis nokre eldre saker som ein ikkje har fått behandla enno.

Det har blitt utført fleire gode tiltak på avdelinga for å vere meir tilgjengeleg for publikum. Det er bookingteneste på nettsida der ein kan bestille time med ein saksbehandlar, fysisk eller digitalt. Kvar saksbehandlar har telefonvakt under opetida til avdelinga slik at publikum alltid får svar.

Ansvar 5000 - regulering vart ikkje budsjettert med full sjølvkostdekning for 2023. Ein har sett at pågang for regulering har gått ned og derfor vart det budsjettert med dekning for nokre få saker.

Bygg og eigedom:

Bygg og eigedom forvaltar bygg på om lag 58 000 m2. Dette gjer at kvar vaktmeister har driftsansvar på ca. 11 000 m2. Normtal pr. vaktmeister er ca.6-8 000 m2. For å kunne komme ned på normtal og slik ha moglegheit for å utføre verdibevarande drift og vedlikehald, må vaktmeisterkorpset styrkast med minst 2 nye stillingar.

Vaktmeister pensjonerte seg og siste arbeidsdag vart 31.12.2023. Det er tilsett ny vaktmeister i denne stillinga.

Ein hadde 2 sommarvikarar frå ca. 20.6. - 20.8. Vikarar avlastar vaktmeisteren i hovudsak med plenklipping/ utvendig arbeid og gjer at vi klare å avvike normal sommarferie.

Reinhaldsavdelinga har avholdt smittekurs, brannvernkurs og fleire reinhaldara har fått fagbrev.

Sjukefråvær (utanom reinhald) for avdelinga var i 2023 på 2,7 %. Det er vurdert som lågt og skuldast mellom anna eit godt arbeidsmiljø og at vi har stabil arbeidsgruppe. Dette sjølv om arbeidsmengd til tider er stor og at vaktmeisteren i hovudsak driv med «brannsløkking» i staden for ønska verdibevaring.

Økonomi

Rekneskap for 2023 syner eit overforbruk/ underskot på ca. kr 424 000. Dette skuldast fleire faktorar, men ein hadde store utgifter innan vedlikehald jf. konto 1230. 1241,1242,1250 (kraftig underfinansiert). Det har og vore stor vikararbruk innan reinhald. Eininga varsla tidleg overforbruk innan vedlikehald og fekk styrka driftsbudsjett med kr 1 500 000. Dette svarte ikkje fullt ut for manglande budsjettdekning. For postar som til dømes for konto 1180 straum var det eit mindreforbruk. Konto 1630 husleige ga større inntekter enn budsjettert. Mindreforbruk og auka inntekt vart nytta til å dekke overforbruk for konto 1230, 1241,1242 og 1250.

Drift og vedlikehaldsbudsjettet er som nemnt ovanfor klart underfinansiert og ein ligg langt under venta normtal. Det er mellom anna ikkje sett av midlar til vedlikehald. Dette gjer at ein ikkje klarer å drive verdibevarande vedlikehald, men må nøye seg med å avgrense forfall.

Det er fremma driftstiltak for å styrke drift og vedlikehaldsbudsjettet, men for 2023 og 2024 har ikkje dette blitt vedteke. Budsjettet må aukast med minimum kr 10 000 000 for å kunne svare for behov verdibevaring.

Etterslep prift og vedlikehald som følgje av underfinansiering er på ca. kr 150 000 000.

Teknisk Drift:

Drift og vedlikehald kommunale vegar: Det er gjennomført nødvendig asfaltering på delar av kommunale vegar med stor slitasje på asfaltdekke for ca. 2 millionar i 2023

Hovudplan veg er utarbeidd, i hovudsak retta mot konkrete nødvendige tiltak på vegnetta.

Skal alle tiltaka som nemnt i hovudplan veg gjennomførast i planperioden 2024 – 2033, vil dette krevje 5 500 000 per år, totalt 54 933 277 (2023 kroner). Av dette vil det gå med ca. 46 millionar til utbetring av vegdekke. Gatelys blir litt etter litt skifta ut til LED - etter budsjett.

Drift og vedlikehald parkar og plassar har ikkje nødvendig kapasitet i forhold til personale for utføring av pålagte oppgåver.

Hovudplan for vatn og avløp er på plass: Godt styringsverktøy for rammevilkår, prioriteringsverktøy for kommunens mål, definer langsiktige og kortsiktige mål, samt at det er eit verktøy som gir god kontroll over årlege avgifter for innbyggarane.

Behovet for investeringar opp mot vatn og avlaup er vesentlege i perioden 2023 – 2033

Gjøsundet:

Forskotteringsprosjektet med å mudre Gjøsundet vart fullført våren 2023. Prosjektet vart godkjent av kystverket og Giske kommune fekk utbetalt 105 millioner kroner i desember 2023.

Rekneskapet viser ei overskriding på totalt 54 million kroner. Overskridingane skuldast dels vanskelege grunnforhald som ikkje kom fram i dei utarbeidde rapportane for prosjektet. (35 million kroner) . Lønns og prisstiginga i perioden var uforutsett høg og kom på 15 million kroner . Grunnen til dette var i hovudsak høge oljeprisar (korona og krig i Ukraina). Etter inngått forskutteringsavtale med staten kviler all risiko på kommunens hand. Kommunen vil likevel i 2024 søkje om inndekning av restbeløpet for mudringsarbeidet.

Vidare utvikling av Gjøsundet som hamn- og næringsområde er beskrive i den såkalla PwC -rapporten som vart fullført våren 2023. Rapporten vart omsett til prosjektplan som skulle avklare vidare , mellom anna organisering av utviklings- og driftsfase - herunder vurdering av selskapsform og eigarstruktur. Arealbehov med fordeling på funksjonar og tenester skal vere definert.

Prosjektplanen vart vedteken i kommunestyret den 15.06.2023 og som vert følgd i det vidare arbeid. Planen vert supplert ved behov og dannar grunnlag for rapportering til politisk nivå.

1.10 2023 vart det tilsett prosjektleiar. Linn Indrestrand arbeider 50% for Giske kommune og 50% for Hirtshals hamn. Prosjektleiar arbeider etter vedteken prosjektplan. I tillegg blir det arbeidd for at Gjøsund hamn til å bli ei av fleire hamner, både nasjonalt og internasjonalt, der målet er å få gods frå veg til sjø, Gjøsund fiskerihamn vil bli eit ledd i ein ny grøn godskorridor som strekkjer seg langs norskekysten til EU (Danmark). Etableringa vil styrke dei tenestene og produktet Gjøsund kan tilby i vårt fylke, til ro/ro- markedet, fiskerirelaterte aktivitetar og den sirkulære symbiose og økonomi.

Berekraftsmål

Overordna planarbeid: Rasjonell disponering av tilgjengelege areal til utbyggingsføremål. Langsiktig forvaltning av LNF-områda. Betre grunnlag for planlegging- og forvaltning av sjøområda gjennom kartlegging (marine grunnkart).

Regulering: Rasjonell utnytting av byggeområda samtidig som ein fortsatt legg til rette for gode bumiljø og lengst mogleg butid i eigen bustad.

Utbygging- og vedlikehald av teknisk infrastruktur: Dimensjonering av teknisk infrastruktur som stettar framtidige krav/behov (rensing av kloakk, handtering av overvatn/flomvatn, reduksjon av lekkasjer i vassforsyninga).

Gjennom myndighetsutøvelse i konkrete søknadspliktige tiltak; oppfylle lova sin føremålsbestemmelse om berekraft - jf plan- og bygningslova § 1.

Forvaltning av bygningsmasse: Gjennom god forvaltning å realisere det enkelte bygg sin ibuande levetid/potensiale.

Grøn havn - Gjøsund nasjonale fiskerihavn: Legge til rette for "grøne løysingar" på kommunens næringsareal som td straum, gass, hydrogen, ballasthandtering (tømming/rensing/fylling), internlogistikk.

UTVALDE KOSTRATAL