5 Oppvekst

Netto driftsresultat for ramme 5 oppvekst 2023 er eit overforbruk på 13.729 mill. Knappe 10 million av overforbruket er knytt til lønnsutgifter i grunnskule. Vel 2 million er knytt til auka lønnsutgifter i SFO.

Ramma vart styrka med 3.760.000 (k.sak 043/23). Budsjettjusteringa var knytt til kompensasjon for redusert makspris i barnehage, gratis kjernetid i SFO også for 2. årssteg, samt auka kostnader i overføring til private barnehagar.

Alle barn og unge i Giske kommune har rett til ein trygg og god oppvekst. Omkostningane ved at nokon fell utanfor samfunnet er enorme, for den enskilde og også for familien og samfunnet. God kvalitet i barnehage og skule er forstått som ein viktig beskyttelsesfaktor. Gjennom 2023 har visjonen for ein oppvekst i Giske kommune "Det var bra eg kom" blitt meir konkretisert i einingane, gjennom utvikling av kunnskapsgrunnlag og øving på nye og betre praksisar. Gjennom sommaren og hausten kom tilsette på plass i PPT og i psykisk helseteam og laget rundt barnet og ungdommen, vart slik styrka inn mot vinteren. Slik vart også laget rundt dei tilsette i oppvekst styrka.

Å ha PPT-tilsette og helsjukepleiar med i inkluderingsteama i barnehage og i skule har bidratt til å styrke utviklinga av ein betre inkluderande praksis.

I kvardagen viser det seg at tilsette i barnehage og skule ofte erfarer å ikkje strekke til, spesielt i møte med barn og familiar som av ulike grunnar har det svært vanskeleg. Både pedagogane og andre tilsette viser stort engasjement, dei ynskjer å vere tett på, kunne variere tilnærming for utvikling og læring. Dei ynskjer tid og rom til å sjå den enkelte og alle.

Oppvekstsektoren har gjennom 2023 hatt rammer for lovleg drift i grunnskulen med minste lærarnorm, symjeopplæring for låg måloppnåing, leksehjelp og faget fysisk aktivitet.

For barnehageområdet har det vore låg grunnbemanning og utfordrande å rekruttere rett kompetanse.

Våren 2023 avslutta leiarar og stab eit tre semester langt leiarutviklingsprogram, levert av IMTEC, og i hovudsak finansiert av OU-midlar. Det har vore fagdagar og også støtte til leiargruppene i einingane.

Skulane starta hausten 2023 med skulebasert kompetanseutvikling med "Fagleg inkludering" som tema.

Befolkningsframskrivinga viser at utgiftsbehovet i grunnskulen i Giske vil vekse fram mot 2030.

Teneste 2110 Barnehage

Dei kommunale barnehagane drifta om lag i balanse.

Det går 35 færre barn i barnehage i Giske kommune i 2023, enn det gjorde i 2022. Samfunnsplanen legg til grunn at Giske kommune bør ha fleire kommunale barnehageplassar og det er igangsett arbeid med dette i form av dialog om kommunal overtaking av private barnehagar.

Teneste 2010 Førskule og private barnehagar drifta med eit underforbruk på 1,6 mill. Området fekk budsjettjustering og kostnadane for overføring til private barnehagar vart noko lågare enn berekna.

Teneste 2111 Styrka tilbod til førskolebarn
Spesialpedagogane er knytt tett opp til den enkelte barnehage, bidrar i inkluderingsteam og også i avdelingsmøte for slik å skape betre samanheng mellom det allmennpedagogiske og det spesialpedagogiske. Spesialpedagogane har også støtta barnehagane i å utvikle den analytiske praksisen, bruk av analysemodellen, gjennom å delta i inkluderingsteam og i avdelingsmøter området gjekk med eit overforbruk på ca 700 000.

Teneste 2120 Grunnskule

Grunnskule hadde eit overforbruk på 10 millionar. Overforbruket er knytt til auka lønnsutgifter. Det var forsinka lønnsoppgjer frå 2022, lønnsvekst som også genererte auka sosiale kostnader til arbeidsgivaravgift/ forsikring. Lønnsoppgjere for 2023 innebar også tilpassing til nabokommuner av lønnsnivået for mellomleiarane i oppvekst. Tilpassing av ressursar i klasser/klassedeling har vore ein del av utgiftsbiletet både knytt til elevar som ikkje har eit trygt og godt læringsmiljø, eller ikkje tilfredstillande læringsutbytte.

I 2023 var elvane frå 5. - 7. trinn saman om å bidra til Global Science Opera, etter initiativ frå Valderøy barneskule. Dette vart ei flott erfaring av meistring og kreativitet, med fleire hundre elevar på scena og mesterleg rigg frå den elevstyrte lyd og lysgruppa!

Teneste 3830 Kulturskule

Kulturskulen drifta med eit overforbruk på 241 000.

Kulturskulen er eit viktig supplement til oppvekstmiljøet i Giske kommune, med bidrag for å gjere Giske kommune til ein god plass å vekse opp, gi opplæring og meistring, samt gi barn høve til å følgje sin draumar og ambisjonar. Ein av elevane fekk tildelt det prestisjefulle Draumestipendet, eit stipend som går til unge talentfulle utøvarar innanfor kunst og kultur. Kulturskulen er eit viktig bidrag til elever som vil utvikle talentet sitt, samt ei viktig støtte til kulturlivet i Giske kommune. Kulturskulen bidrar med kompetanse og støtte til ungdomskulen sin årlege musikal, og leverer tenester til andre einingar, noko som fører livsglede og meistring.

Teneste 2121 Pedagogisk rettleiingsteneste

Pedagogisk rettleiingsteneste hadde eit overforbruk på knapt 1 mill. Lisenser, symjeopplæring, kurs og opplæring vert dekt gjennom pedagogisk rettleiing. Tenesta er tett på utviklinga av varige betre praksisar for ein inkluderande oppvekst i Giske kommune, med fokus på fagleg inkludering.

Teneste 2130 Vaksenopplæring

Giske kommune kjøper frå august 2023 vaksenopplæringa frå Ålesund kommune. Området leverte for vel 1 million under budsjett. Elevar som tek Grunnskule for vaksne, introprogram, samt norsk og samfunnsfag, får denne opplæringa ved Ålesund vaksenopplæring.

Teneste 2150 Skolefrititdstilbod

Giske har den høgste foreldrebetalinga i fylket, likevel landa netto driftsresultat på eit overforbruk på vel 2 mill. Det blir gjort årlege utrekningar av sjølvkost i SFO-ordninga. Nettokostnaden går i hovudsak til ekstra tiltak for barn med særskilte behov for oppfølging og tilrettelegging. Frå 1. august 2023 er det gratis kjernetid i SFO for elevar på 1. og 2. trinn. Dette har auka andelen barn i SFO, og fleksibelt arbeidsliv gjer at mange familiar berre bruker gratis kjernetid, noko som sterkt utfordrar ambisjonane og SFO som sjølvkostområde.

Teneste 2230 skuleskyss

263 elevar hadde tilbod om skuleskyss hausten 2023 og det var eit overforbruk på vel 1,5 mill på dette området. Skysslinja for ungdomsskulen låg igjen ved "Valderøy ungdomsskule".

Som grafen over syner, er Giske framleis den mest barnerike kommunen i fylket. Av dei 8691 innbyggarane var 2243 under 18 år. I 2023 vart det fødd 84 barn tilhøyrande Giske kommune. 25,8 % av innbyggarane er under 18 år.

Her finn du fleire fakta om Giske: Kommunefakta Giske - SSB

Tilsette i oppvekstsektoren erfarer å ha bruk for eit tettare samarbeid med fokus på å utvikle likeverdige tenestetilbod i barnehage og skule. Det har vakse fram ei forståing av at kapasiteten aukar når tilsette og leiing lærer saman og av kvarandre. Teknologisk kompetanse og erfaring med digitale møterom har opna opp for effektivt samarbeid internt i oppvekst, på tvers av einingar og også tverrfagleg. Eit tydeleg frampeik vil vere å utvikle god og effektiv samhandling til beste for barna som veks opp her. I denne samhandlinga vil det også vere rom for føresette, frivillige, lag og organisasjonar.