Stab

Personal- og lønsavdeling har 3,9 årsverk. Avdelinga sine hovudoppgåver er:

• Utvikling og vedlikehald av overordna arbeidsgivarpolitikk
• Støtte og rettleiing til einingane i utøving av arbeidsgivarpolitikken
• Lønsarbeid, lokale lønsforhandlingar og rettleiing til einingane i lønsarbeid og i relevant lov- og avtaleverk som gjeld personalområdet
• Bistå einingane i rekruttering og kompetanseutvikling
• Overordna ansvar for HMS/IA-arbeid
• Samarbeid med fagorganisasjonar og verneteneste

Avdelinga har nesten ikkje hatt sjukefråvær. Samarbeidet med tillitsvalde, verneteneste, topp- og einingsleiing fungerer godt. Avdelinga er framleis svært sårbar ved evt. sjukefråver, særlig gjeld dette lønsarbeidet.

Fagstaben består av

• Seniorrådgivar kvalitet og beredskap
• Pedagogisk rådgivar barnehage
• Pedagogisk rettleiar

Økonomiavdelinga i Giske kommune har 4 tilsette og 3,8 årsverk. Avdelinga sine hovudoppgåver er:

• Føre rekneskap til Giske kommune og Giske kyrkjelege fellesråd, Gjelds- og finansfovaltning
• Utarbeide samla årsbudsjett og økonomiplan for kommunen og rapportering og oppfølging av dette
• Gi einingsleiarar m/fl. støtte og rettleiing innan økonomi, samt brukarstøtte for budsjettverktøy, økonomi- og e-handelssystem.
• Vere kommunen sitt kontaktpunkt i høve innkjøpsfelleskapet på Sunnmøre, Nordre Sunnmøre kemnerkontor, skatteoppkrevjing og arbeidsgjevarkontroll

Avdelinga leverer i hovudsak tenester til interne brukarar. Det er likevel ein del publikumskontakt knytt til fakturakopi og spørsmål om utsende faktura, lån og aktivitet kring innkrevjing. Avdelinga er avhengig av godt samarbeid med eksterne leverandørar, lån- og finansforvaltarar, samarbeidskommunar og andre samarbeidspartnarar.

Controller vil først vere på plass frå 2024.

Eininga Kultur, service og næring hadde i starten av året 10,7 stillingar fordelt på 12 personar. Frå 1. august 2023 kom merkantile frå skule og helse inn i eininga og ein ungdomsarbeidar vart tilsett. Eininga har ved årsskiftet 15 tilsette og 13,5 årsverk. Avdelinga sine hovudoppgåver:

• Sentralbordteneste samt informasjon og rettleiing av innbyggarane knytt til kommunale avgifter, bustønad og startlån
• Giske kommunes felles saksarkiv
• Politisk sekretariat
• Ansvar for førebuing og gjennomføring av kommune- og Stortingsval.
• Bibliotekteneste
• IT ved systemintegrator
• Næringskontor
• Kulturkontor
• Frivillegsentralen
• Merkantil teneste til skule, helse, barnehage
• Ungdomsarbeid og SLT-koordinator

Hovudmål

Levere god service til innbyggarane og politisk leiing gjennom å vere godt oppdatert på det som skjer i kommunen. Sørge for at politiske saker vert sendt ut i rett tid. Gi god og nyttig informasjon til innbyggarane om ulike tenester og legge til rette for digital sjølvbetjening der det er mogleg. Gi gode bibliotektenester og samhandle med innbyggarane gjennom Frivillegsentralen. Siste halvåret er det jobba mykje med forebyggande arbeid retta mot ungdom.

Kultur

Det vart betalt ut kulturstøtte til frivillege lag og organisasjonar innan musikk, idrett og museum/historielag samt tilskot til 17. mai-feiring. UKM hadde deltakar-rekord under forestillinga på Valderøy barneskule 11. mars. Det vart også arrangert UKM-verkstadar i januar og februar. Arbeidet med plan for Friluftlivets ferdselsårer er igangsett og skal ferdigstillast i løpet av 2024.
Kultur har også ansvar for søknadar og oppfølging av det som gjeld spelemidlar til idretten. Desse blir sendt vidare til Møre og Romsdal fylke for avgjerd.
Ansvaret for Den kulturelle skulesekken vart flytta frå oppvekst til kultur og arrangerte for første gong eit stort felles tverrfagleg kulturprosjekt med bidrag frå alle skulane i kommunen - Giske Science Opera. Ungdomsrådet og nytilsett ungdomsarbeidar arbeider med å få starta opp ungdomsklubb. Eit omfattande arbeid er også igangsett med forebygging mot radikalisering og kriminalitet gjennom SLT-arbeidet som er støtta av Konfliktrådet. Fire mentorar har vore på opplæring i 2023.

Næring

Det har blitt gitt rettleiing til personar som vil starte ny næring og gründerar gjennom Hoppid. I tillegg er det tilbod om kursing for nyetablerarar gjennom Entreprenerdy. Det er også gitt støtte etter søknad frå Hoppidfondet.
Ei viktig og tidkrevjande oppgåve har vore å planlegge og vidareutvikle fiskerihamn og næringsområde på Gjøsund. Det har vore mykje møteverksemd og kontakt med næringsaktørar og andre aktuelle partar i dette arbeidet både internt og eksternt.

Frivilligsentralen

Den kulturelle spaserstokk har hatt fleire tilstellingar i 2023, mange i samarbeid med pensjonistlaga og eldrerådet i kommunen. Har også vore med på eldredagen med bidrag. Sysselsetting med NAV på Frivilligsentralen har gått omtrent som normalt. Nokre har fått jobb, nokre har begynt på skule, og nokre er framleis med i prosjektet. Aktiv ferie vart arrangert som tidlegare år, i 2023 hadde vi 6 uker med aktiviteter og over 600 aktivitetar.

Klubb for PU er kvar 3. veke og det vert også arrangert turar gjennom året i helgene. Desse er støtta av Gjensidige og Sparebanken møre

• Arbeid med stiar er vidareført.
• Stor auke i hjelp til privatpersonar
• Tv aksjonen og bøsseaksjon
• Utdeling av matkasser til jul og påske i samarbeid med butikkar og privatpersonar. 60 familiar fekk tilkøyrt desse. Fekk støtte fra MR fylke til dette i 2023 samt god støtte frå næringslivet
• Frivillegsentralen møter stor velvilje i lokalsamfunnet og har fått inn mykje midlar utanfrå til ulike prosjekt. Det er stor pågang av eldre som vil bidra med arbeid, både ute, i og ved omsorgssentra.
• Samarbeid med kriminalomsorgen om soning, skulane og bukollektiva

Frivillegsentralen er til stor hjelp i utføring av ulike kommunale oppgåver som køyring og bringing, og hjelper både på skular, eldresenter, dagsenter, teknisk og NAV. Det siste har utgjort knapt halvparten av stillinga til medarbeidar på frivilligsentralen. Vi har også siste året tatt på oss arbeidet som bilansvarlege i kommunen.

«Aktiv ferie» vart gjennomført med følgjande aktivitetar i og utanfor Giske kommune: Valldal klatrepark og Atlanterhavsparken med mat og drikke.
Frivilligsentralen brukte mesteparten av pengane i 2023 på lokale tilbod, og fekk gjennom dette støtte lag og organisasjonar i kommunen med ca kr. 350.000.

Firvillegsentralen fekk kr 600 000 til aktivitetar gjennom BUFdir til desse tiltaka pluss støtte fra SBM som gjorde at aktivitetane kunne vere opne for alle.

Gjennom det kommunale sysselsetjingsprosjektet får ungdommar som står utanfor arbeidslivet god og variert erfaring med praktisk arbeid. Verdien av dette kan ikkje overdrivast.

Frivillegsentralen har ein unik posisjon i kommunen, og får gåvemidlar og anna støtte frå mange ulike kjelder. Sentralen gir eit lågterskeltilbod som blir sett stor pris på. 2023 vart eit rekordår når det gjeld all støtte som vart gitt frå eksterne.

Det ser ut som at einingane brukar Frivillegsentralen meir enn før. Dette skjer sjølvsagt då dei ser at ein kan få meir ut av kvar krone ved eit samarbeid med frivillige. Men det er viktig at ein pleier forholdet til dei frivillige. Dei må ha føreseielege vilkår som passar inn med det andre dei er engasjert i. Og dei må bli sett og følt seg verdsett. Dette bør alle som er mottakar av eller samarbeider med frivillege, bite seg merke i.

Sentralen har også startet opp samarbeid med Fuki, som bidrar sterkt inn i arbeidet med flyktningar.

Samarbeid også med Vigra pensjonistlag og grunneigarar om stien langs Blindheimsfjellet fortsetter. Sentralen er også med på steinlegging av valderøyfjellet.

Frivillegsentralen arbeider saman med ungdomsarbeider i kommunen for å få til aktivitetar for ungdommen. Her har sentralen gjennom midlar fra BUF dir støtta både Mjølner og Giske sogelag med pengar til oppstart av opne møteplassar for ungdom. I tillegg er det lagt både pengar og arbeid ned i å opprette ein kommunal ungdomsklubb på Valderøya.

Biblioteket

• Aktive lånarar: 724 (522 i 2022)
• Institusjonslånarar: 145
• Besøk: 11 865 (7 291)
• Utlån: 14 607

Det var ein fin auke i tal på lånarar og besøk i 2023. Biblioteket var ope fem dagar i veka. Gjennom året 2023 har 1606 barn og vaksne vore med på ulike arrangement på biblioteket. Det har også vore ein del barnehage og nokre skulebesøk.