3 Fellesutgifter - fellesinntekter

På dette ansvarsområdet blir det ført inntekter og utgifter som er felles for heile kommunen sin organisasjon og som ikkje kan knytast opp mot einskilde einingar eller stab. Døme på dette er:

• Felles personaltiltak / arbeidsmiljø
• Generelle arbeidsmiljøtiltak
• Diverse fellesfunksjonar:
  • Felles IT program, maskinvare og serviceavtaler.
  • Felles datakommunikasjon
  • Telefon og telefax
  • Frankering – porto
  • Kontingent til KS
  • Felles pensjonsutgifter/inntekter - premiefond.
  • Premieavvik blir samla her frå 2011.
  • Løn til lærlingar
  • Løn til hovudtillitsvalde og hovudverneombod
  • Utgifter til bedriftshelseteneste

Rammeområde 3. Fellesutgifter – fellesinntekter viser eit mindreforbruk på kr 9,7 mill.kr.

Det er eit meirforbruk i ansvar 1300 Felles drift og dei største avvika finn ein i teneste 1240 Diverse fellesfunksjonar - med eit meirforbruk på 2 mill kr. Meirforbruket på tenesta stammar i stor grad frå utgifter til datakommunikasjon, lisensar og serviceavtalar. Med auka grad av digitalisering er dette ein kostnad som aukar på alle områder.

Ved budsjetteringa vart deler av utgiftene til auka tal flyktninger lagt til denne ramma med kr 6 283 000 til fordeling til andre rammeområde ved behov. Av dette er 5 mil.kr fordelt til andre rammeområde i budsjettendring gjennom året.

Pensjonskostnadar vert ført etter budsjettert prosentsats på rammeområda, dette gjer at det på einingsnivå blir lettare å følgje pensjonskostnaden og endringar i denne kjem som følgje av endringar i løn og ikkje som følgje av premieavvik, amortisering og bruk av premiefond- dette ligg no i si heilheit i ramme 3 og også avrekninga på slutten av året blir ført i ramme 3.

Pensjonskostnadane medførte at rammeområdet fekk eit mindreforbruk på 9,7 mill.kr.

Giske kommune gjorde i 2022 endring i pensjonsportefølja og har no portefølje med investeringsval. Dette frigjorde 50 mill.kr som vart tilført premiefondet. Midler på premiefond kan berre brukast til framtidig premiebetaling, og Giske kommune brukte 41,2 mill.kr av premiefondet for å dekke premieinnbetalingar i 2023.

Premieavvik vert budsjettert som inntekt – amortiseringa ei utgift, netto utgjorde det ei utgift på kr 983 000. Premieavviket i KLP var budsjettert som inntekt med 11 million kroner, medan det vart 8,7 million kroner. Bruk av premiefond som aukar premieavviket vil kome som ei utgift gjennom amortiseringa (avdrag) dei neste 7 åra. Bruk av premiefond vart 41,2 mill. kr og var ikkje budsjettert. Begge deler må ein sjå i sammenheng med auken i pensjonskostnadane som er fordelt på einingane, ser ein kommunen under ett vart det eit samla mindreforbruk på 5,4 million kroner for pensjonskostnadane som kjem hovudsaklig frå bruk av premiefond og preimieavvik. Ser ein løn, sjukeløn og pensjonskostnader samla for alle rammeområda (heile kommunen) er der eit mindreforbruk på ca 2,4 million kroner.

Premieavviket er differansen mellom den berekna pensjons-kostnaden som vert ført i rekneskapen og premien som faktisk er betalt. Den betalte premien vil blant anna avhenge av avkastninga pensjonstilbydaren oppnår på pensjonsmidlane og lønsveksten rekna med utgangspunkt i lønsnivået ved utgangen av året.

Dei øvrige tenestene gjeld stort sett lærlingløn for heile kommunen. Avvika kjem av at den faktiske fordelinga av lærlingane vart ulik den budsjetterte.