4 Diverse tenesteområde

NAV Giske leverte rekneskap med om lag kr 200 000 i meirforbruk i 2023. Rammeområdet fekk tilført, via budsjettendringar, kr 3 mill ila året, dette knytt til auke i mottak av nye flyktningar frå 15 til 43.

Lov om sosiale tenester i NAV inngår i kommunen sitt samla velferdsansvar og omhandlar kommunale tenester og oppgåver som NAV Giske skal utføre og medverke i. Dei obligatoriske kommunale tenestene (minimumsløysinga) som inngår i NAV Giske er opplysning, råd og rettleiing (medrekna økonomisk rådgjeving), økonomisk stønad, mellombels bustad, individuell plan og kvalifiseringsprogrammet.

Ut over minimumsløysinga deltek NAV Giske i Intro-programmet for flyktningar, som og er ei kommunal teneste, med arbeidsrelatert opplæring/bistand.

Oppgåvene er til dels forankra i lov, som økonomisk sosialhjelp, og i nasjonale program som kvalifiseringsprogrammet. Desse er førande for kommunen sitt arbeid i høve grupper som treng særskild oppfølging. Giske kommune og NAV Giske har eit tett og godt samarbeid, ein ser at det gjer tenestene kvalitativt betre og heng betre saman. Kvalifiseringsprogrammet og kvalifiseringsstønad sjåast i samanheng med økonomisk sosialhjelp. Kvalifiseringsprogrammet er eit viktig verkemiddel i kampen mot fattigdom. Målet med programmet er å fremje overgang til arbeid, sosial inkludering og aktiv deltaking i samfunnet ved hjelp av tettare og meir forplikta bistand og oppfølging, også i dei tilfella vegen fram kan vere relativ lang og usikker.

Økonomisk sosialhjelp:

På tross av at det er god tilgang til arbeid har talet på personar som har motteke sosialhjelp auka frå 123 personar i 2022 til 169 i 2023. Dette er ei markant auke og årsak til behov for auka budsjett på området, I disse talla er også busette flyktningar som har motteke støtte i samband med etablering inkludert. Ein ser at ein del av flyktningane blir langtidsmottakar av sosialhjelp grunna alder. Levekostnadane har auka. Dette gjelder utgifter til bustad, strøm mv.

Frå 01.09.2022 blei det lovfesta at barnetrygd skal holdast utanfor med beregning av økonomisk stønad.

Etter tilsyn frå Statsforvaltar hausten -23 vil NAV-kontoret kartlegge barna sine behov betre, sikre at barna er tilstrekkeleg ivaretatt og følge opp barnefamiliar ved søknad om økonomisk stønad.

Arbeidsløyse:

I 2023 var arbeidsløysa i Giske på 1,6 %. NAV si erfaring er at det fortsatt er stort behov for kvalifisert arbeidskraft. Arbeidsløysa i Giske er særleg kjenslevar for aktiviteten i industrien, flyplassen og auka aktivitet/nedtrapping her gir også store ringverknader til underleverandørar og andre.

Brukarar under 30 år

NAV Giske har en stor del brukarar under 30 år som slit med å få innpass i arbeidslivet og/eller varig tilknyting til arbeidslivet. Dette kan skuldast fleire forhold som til dømes fråfall i vidaregåande skule, helseutfordringar eller sosial arv. Desse kan vere aktuelle både for kommunale og statlege ytingar og tiltak. NAV Giske vil særleg prioritere brukarar under 30 år i høve oppfølging og arbeidsretta tiltak.

Marknadsarbeid:

NAV Giske har også i 2023 hatt fokus på kontakt med bedrifter og næringsliv. Kontakt med lokale og regionale bedrifter er viktig relasjonelt arbeid i høve målsettingar om å få fleire personar ut i arbeid og aktivitet. NAV har hatt høg aktivitet på marknadsarbeid og har aktivt brukt tiltaksbudsjett til å gi fleire moglegheiter til arbeid og aktivitet.

NAV Giske har formelt samarbeid med flyktningtenesta i kommunen i høve busette flyktningar. Arbeidet har særleg hatt fokus på arbeid og aktivitet. Ein har også i 2023 arbeidd ilag med flyktningstenesta for å vidareutvikle samarbeidet og klarleggje korleis NAV kan bidra inn i introduksjonsprogrammet og auke grad av arbeidsretting av programmet. Vi erfarer at dei busette flyktningane har hatt større behov for sosiale tenester også under introduksjonsprogrammet enn det ein hadde sett føre seg.

1 og 2: Forebygge og redusere fattigdom, ta hensyn til barns beste. Tenesta arbeider kontinuerleg med oppgåver for å førebygge og redusere fattigdom.

8: Økt inkludering i arbeidslivet: Aktivitetar og samarbeid med ulike partar for å få fleire i aktivitet og arbeid.

17: Samarbeid mellom ulike einingar. Nav har gjennom året samarbeida med ulike tenester i kommunen, næringslivet og andre aktørar/partar. Samarbeidet har vore viktig for framgang og utvikling i brukarsaker.