Barnevernstenesta

Barnevernstenesta: 45 meldingar,4,7% fristbrot, 92 barn med tiltak, barn under omsorg 12. På grunn av vakansar har vi ikkje klart å halde oss innan fristen.

Tenesta nådde ikkje målet om 0 i fristbrot. Resultatet vart 4,7%. Alle meldingane vart gjennomgått innan 1 veke. Tiltaka som vart sett i verk for å effektivisere saksbehandlingsarbeidet har vore vellukka. Har framleis utfordringar med å følgje opp og evaluere tiltaksplanane. Tenesta nådde målet om å lukke avvik om manglande oppfølging av barn i forsterheim. Det vart prioritert ressursar til dette arbeidet. Alle tilsette har gjennomført kompetanseheving, innan metoden ICDP. To tilsette tek vidareutdanning i barnevernfagleg arbeid. Brukarundersøkinga vart ikkje gjennomført i 2019, då der ikkje var nok ressursar. Dette er sett opp igjen som mål i 2020.

Det er gjort strenge prioriteringar på kva oppgåver som må utførast og la dei mindre alvorlege vente. Giske kommune deltok i Ålesund barnevernvakt frå hausten 2019. Før dette deltok vi i felles barnevernvakt med Sula, Sykkylven og Stranda. Barnevernvakta er viktig for å styrkje akuttfunksjon og beredskapsomsyn. Psykisk helseteam deltek i fleire av sakene som kjem til barnevernet, både før og etter ei undersøkingssak. Samarbeid og å auke kompetanseni andre tenester er viktig for å styrkje det totale tilbodet til barn og familien. Barnevernet har styrka sitt repertoar og kvaliteten på hjelpetiltak med fleire varierte og skreddarsydde tiltak.